Skip þetta sem nú er með heimahöfn í Tromsø, í Noregi var í nokkur ár í eigu íslendinga og heiðraði Reykjavíkurhöfn í nokkur ár, fyrst í gömlu höfninni og síðar við Skarfabakka. Voru keypt þrjú systurskip og hétu þau öll Kaspryba, þ.e. 1, 2 og 3. Skip nr. 2 var strax selt að mig minnir til Las Palmas, en skip 1 og 3 komu hingað og ekki er ég alveg öruggur hvert skipið nr. 3 fór, en mig minnir að það hafi farið til meginlands Evrópu. Skip 1 fór upp á Akranes þar sem gert var við það áður en það fór til Noregs og er nú aftur komið til Akraness.

Í gær tók Sigurbrandur Jakobsson þessar þrjár myndir af skipinu í höfn á Akranesi og eins og sést á fyrstu myndinni er skipið er að slitna frá bryggju og viti menn að þegar Sigurbrandur var búinn að taka myndirnar skrapp hann aðeins frá og er hann kom til baka aftur voru hafnsögubáturinn Þjótur og fiskiskipið Bjarni Ólafsson búnir að koma skipinu til aðstoðar.

Polar Pioneer T-145-T, ex Kaspryba 1, á Akranesi í gær og sést vel á þeirri efstu hvað skipið er að slíta enda á Akranesi  © myndir Sigurbrandur Jakobsson, 28. des. 2016