Dráttarbáturinn Serval, með heimahöfn í Kingston, kom í dag inn á Stakksfjörðinn og beið þó nokkra stund, að sagt var vegna þess að báturinn ristir 5,5 metra og sjávarhæðin í Njarðvíkurhöfn var ekki komin í það. Þegar staðan var talin heppileg fór hafnsögubáturinn Auðunn, með hafnsögumann út og saman komu þeir til Njarðvíkurhafnar skömmu síðar.

Tók ég þessar myndir við það tækifæri og sjáum við bátinn sigla inn Stakksfjörðinn, inn til Njarðvíkur og leggjast að lokum utan á Sævíkina, sem á að draga til Pólands eins og ég sagði frá í gær.

Ástæðan fyrir því að hann lagðist utan á Sævíkina en ekki fyrir framan, er sögð vera að hann þurfti að hífa víra og tilheyrandi yfir í bátinn, sem notað er við dráttinn sem fer trúlega fram á morgun.

Serval, 1416. Sævík GK 257 og 2043, Auðunn, í dag © myndir Emil Páll, 3. nóv. 2016