Bátarnir 9, sem smíðaðir voru í Dalian, Kína um síðustu aldarmót og voru öllu systurskip sem komu samtímis í flutningaskipi til Hafnarfjarðar, hafa þó nokkuð verið til umræðu hér á síðunni. Fimm þessara báta hafa núna nánast hver á fætur öðrum verið lengdi og yfirbyggðir í Skipasmíðastöð Njarðvíkur og þar af einn sem hefur verið gerður út erlendis. Auk hans hafa tveir aðrir verið gerðir að mestu eða öllu leiti erlendis.

Tveir þeirra Eyvindur KE 37, var seldur ónotaður héðan til Noregs, Ólafur GK 33, sömuleiðis til Grænlands og sá þriðji Sigurbjörg ST 55 var gerður mjög lítið út hér heima áður en hann var seldur til Englands.

Ólafur er sá sem nú er verið að lengja í Skipasmíðastöð Njarðvíkur, en í gær fékk ég óvænt myndir ar hinum tveimur þ.e. Eyvindi og Sigurbjörgu og eru það myndir sem teknar eru af bátunum í Dalian, í Kína árið 2000, en þeir komu hingað til lands 2001. Gunnar Karl Þórðarson á heiðurinn að því að þessar myndir birtast hér. Sendi ég honum kærar þakkir fyrir.  Á myndunum sést að smíðin á bátunum hefur verið unnin við frumstæðar aðstæður.

Eyvindur er sá græni og Sigurbjörg er sú gula.

2467. Eyvindur KE 37                                          2475. Sigurbjörg ST 55                                                 2475. Sigurbjörg ST 55                                                       2475. Sigurbjörg ST 55

Í smíðum við frumstæðar aðstæður í Dalian, Kína © myndir Gunnar Karl Þórðarson, 2000