Eins og margir muna komu 9 stálbátar, sem voru nálægt 100 tonnum að stærð, með flutningaskipi til Hafnarfjarðar fyrir mörgum árum, frá Kína. Dreifðust bátarnir víða um land, en þrír þeirra voru fljótlega seldir úr landi. Einn þeirra Ólafur GK 33 frá Grindavík var seldur til Grænlands, annar til Noregs og sá þriðji eftir nokkra útgerð hérlendis til Englands.

Skipasmíðastöð Njarðvíkur er búin að lengja og yfirbyggja fjóra þessara báta og sá fimmti, einmitt sá grænlenski er nú í lengingu hjá þeim. Í dag tók ég myndasyrpu sem sýna þegar búið er að taka hann í sundur og síðan þegar botnstykkið í lengingunni eru komin á sinn stað, sá bátur heitir í dag Katrina E GR 8-8 og er ex 2469. Ólafur GK 33.

Annars eru myndirnar sem nú koma þannig að á þeim þremur fyrstu sést báturinn, kominn í sundur. Þá sjáum við tvær myndir af botnstykkinu á gólfi bátaskýlisins í Njarðvík. Næst kemur ein mynd af millidekkinu, þar sem það er tilbúið en þó ekki komið í bátinn, þá eru fimm myndir af botnstykkinu er verið er að setja það í bátinn.