15.10.2016 18:19
Sóley ÍS snýr aftur heim
Úr bb.is:
Sóley ÍS snýr aftur heim
Góðar líkur eru á því að stálskipið Sóley ÍS 225 eignist á ný heimahöfn á Flateyri. Sóleyjarnefndin svokallaða með Önfirðingana Guðmund Jón Sigurðsson og Björn Inga Bjarnason innanborðs hefur róið að því öllum árum að svo megi vera og samkvæmt frétt á Þingeyrarvefnum þykja nú allar líkur á að svo megi verða. Ekki mun Sóley þó sækja sjóinn í þetta sinn heldur mun hún sinna hinni nýju og fengsælu útgerð, ferðamönnunum.
Forsvarsmenn Dögunar á Sauðárkróki sem eiga nú skipið hafa lýst því yfir við nefndina að hún megi eiga skipið og er nú í fullum gangi vinna við að ná saman hópi manna til að veita gjöfinni viðtöku. Sú hugmynd sem nú er efst á baugi er að setja skipið í fjöru gengt Kaupfélaginu við Hafnarstrætið sem hluta af Dellusafninu sem þar er til húsa og er Valdemar Jónssyni, verktaki í Önundarfirði og eigandi Dellusafnsins, klár í slaginn samkvæmt fréttinni.
Í gær funduðu nefndarmenn með Georgi Lárussyni forstjóra Landhelgisgæslunnar um möguleika þess að Gæslan tæki að sér að koma skipinu frá Hafnarfirði og vestur þar sem haffærni þess er útrunnið. Tók vel í þá málaleitan og taldi mörg dæmi fyrir því að Gæslan aðstoðaði við björgun menningarverðmæta.
Í vor lauk 50 ára útgerðarsögu Sóleyjar, sem um árabil var stolt Flateyringa og beið hennar að vera rifin í brotajárn. Á Stundinni má lesa grein eftir Reyni Traustason, sem í eina tíð var háseti og matsveinn á Sóleynni, hana skrifaði hann eftir að tugir manna og kvenna lögðu upp í minningarferð um skipið snemmsumars. Í greininni eru skemmtilega sagðar sögur um ástir, lífið um borð og landhelgisbrot.
Hér koma myndir af bátnum úr mínu safni.
 |
||
|
1009. Þuríður Halldórsdóttir GK 94 © mynd Emil Páll - fyrsta nafnið eftir sölu að vestan
|
