Margir þeirra sem voru á makrílveiðum að undanförnu notuðu bræluna til að fjarlægja makrílbúnaðinn af bátum sínum. Þó eru nokkrir enn í hinum ýmsu höfnum með allan búnaðinn upp. Í gær þegar sæmilegt veður var fóru nokkrir þeirra sem enn voru með búnaðinn upp, út til veiða. Frekar varð þó lítið úr veiðum og komu margir inn án þess að fá svo mikið sem einn makríl. Þó sá ég inni á Fiskistofu að einn bátanna sem fór út frá Keflavík / Njarðvík, landaði 173 kg.

Að sögn Ragnars Emilssonar skipstjóra á Mána II ÁR 7, leituðu þeir af makríl á öllum þeim stöðum sem þeir hafa veitt á og fóru m.a. út að Hraunum í Faxaflóa, en allt án áragurs og  þannig var með fleiri og því fór strax í gær að bera á því  að menn tækju búnaðinn frá borði. Þeir á Mána II tóku búnaðinn upp í dag og þrifu bátinn.

Syrpa sú sem nú kemur sýnir þegar báturinn fór út frá Njarðvík í morgum og inn í Keflavík þar sem búnaðurinn var tekinn í land. Þá eru þarna líka myndir af Ragnari að þrífa bátinn, þær voru þó teknar af honum án þess að hann vissi.

1887. Máni II ÁR 7, siglir út úr Njarðvíkurhöfn í morgun                                     Siglt yfir til Keflavíkur                                                Komið inn í Keflavíkurhöfn                  Búið að fjarlægja makrílbúnaðinn og Ragnar að þrífa                              © myndir Emil Páll, í dag, 11. okt. 2016