Skemmtilegar tilviljandir fylgja því að á sama tíma eru skipin Guðbjörg GK 666 og Katrina E GR 8-8, í Skipasmíðastöð Njarðvíkur. Um er að ræða tvö af þeim 9 bátum sem komu samtímis með flutningaskipi frá Kína og eru því systurskip. Þá hafa þau bæði nokkra tengingu við Grindavík, auk þess sem þau í upphafi báru skipaskrárnúmer í röð og annað skipanna hefur nú tengist aftur Grindavík.

Skip þessi hétu fyrst 2468. Ársæll Sigurðssson HF 80, sem síðar varð Grindavíkin GK 606, en eitt Reykjavíkurnafn var þó á milli og síðan fór skipið vestur á Snæfellsnes, en hefur nú verið skráð í Grindavík sem Guðbjörg GK 666.

Hitt skipið var í upphafi 2469. Ólafur GK 33 frá Grindavík en var aldrei gerður út hérlendis heldur geymdur m.a. í Skipasmíðastöð Njarðvíkur þar til hann var seldur til Grænlands og nú er hann kominn í slippinn aftur.

Koma beggja skipanna er vegna þess að Skipasmíðastöð Njarðvíkur hefur tekið að sér að lengja skipin og fleira, eins og þeir hafa gert við fjögur önnur systurskip þessara skipa. Guðbjörgin er á síðustu metrunum, en það grænlenska var að koma í slippinn og er því á fyrstu metrunum.

Hér koma fjórar myndir sem ég tók af báðum bátunum í Skipasmíðastöð Njarðvíkur í gær.

2468. Guðbjörg GK 666 og  Kristine E GR 8-8 ex 2469. í Skipasmíðastöð Njarðvíkur í gær © myndir Emil Páll, 5. okt. 2016