Hér fylgjumst við með því þegar Bolli KE 400 var kominn að bryggju í Keflavíkurhöfn og hafði losað sig við makrílbúnaðinn sem verið hefur á bátnum frá síðustu makríkvertíð. Frá þeirri bryggju sigldi hann að hafnargarðinum þegar von var á Jóni & Margeiri til að taka hann upp og flytja út í Sandgerði, til Sólplasts, en þar á að stytta bátinn, sem margt bendir til að sé nú fljótlega á förum til Noregs, gangi sala hans upp.

Ekki er þó um mikla styttingu að ræða heldur aðeins 10 sentimetra, því hann er 8 sentimetrum of langur til að komast inn í Norska smábátakerfið. Verður því tekið aðeins framan af stefni bátsins.

6996. Bolli KE 400, í Keflavíkurhöfn í dag, eftir að hann hafði losnað við makrílbúnaðinn       Hér siglir hann í átt að hafnargarðinum þar sem taka á bátinn upp                                Kominn að hafnargarðinum, í Keflavík                                    Jón & Margeir, mættir á staðinn                                                        Hífing hafin                                       Báturinn kominn á vagninn                                         Ekið upp af hafnargarðinum                                  Hér er ekið eftir Ægisgötunni, í Keflavík        Hér er komið upp úr Grófinni, en farið var þar í gegn og eru það hús á Berginu sem þarna sjást        Komið út í Sandgerði og beygt inn á athafnarsvæði Sólplasts                         Bíllinn staðsettur þar sem hífa á bátinn af                              Hífing að hefjast við Sólplast í Sandgerði        Margeir hjá Jóni & Margeir, seljandi bátsins, umboðsmaður kaupanda og Kristján í Sólplasti                    Báturinn kominn á þann stað sem styttingin verður framkvæmd       Flutningabíllinn hjá Jóni & Margeiri og 6996. Bolli KE 400, í Sandgerði                             © myndir Emil Páll, í dag 20. maí 2016