Eins og margir muna voru gerðir út frá Sandgerði tveir bátar sem fengu nafnið Jón Gunnlaugs GK 444. Sá fyrri var eikarbátur smíðaður í Þýskalandi 1959 og hinn síðari var stálbátur smíðaður í Stálsmiðjunni Reykjavík 1972.

Fyrri báturinn er ennþá til, eða svo má segja, liggur í Grindavíkurhöfn undir nafninu Dúa RE 400, en hinn síðari sem bar alltaf sama nafnið en var skráður einnig ÁR 444 og ST 444 og fór í pottinn til Belgíu nú í haust.

Í borðsal bátsins a.m.k. þess síðari voru eins og oftast er í bátum myndir sem tengjast viðkomandi báti og þar kemur að ástæðu fyrir birtingu á þessari færslu.  En í áhöfninni sem sigldi bátnum sína hinstu för var Anton Hjaltason og þegar báturinn var kominn út, gat hann ekki hugsað sér að mynd af litlum strák sem báðir bátarnir voru skírðir eftir Jón Gunnlaugs, færi í ruslið í Belgíu og tók því myndina og kom henni aftur hingað til lands. Lítið er vitað um strákinn, nema fæðingadag hans og dánardag, en hann dó mjög fljótt eins og fram kemur á platta sem var á myndinni og ég birti mynd af hér fyrir neðan.

Hefur hann hlerað að faðir litla stráksins hefði verið forystumaður fyrir smíðum á fyrri bátnum og jafnvel átt hlut í honum í upphafi.

Nú hefur Anton óskað eftir því að ég kæmi þessu á framfæri, með það í huga að ef einhver er tengdist þessu og hefði áhuga á að eignast myndina, þá gæti hann hring í hann í síma 848 6577. Ef enginn hefur samband við hann mun hann gefa myndina á safn.

         Jón Gunnlaugs  F. 18. júní 1931. d. 28. apríl 1934 © myndir af frummyndinni Emil Páll, 27. jan. 2015