Svo virðist vera að nú sé loksins að ljúka ferðalagi þeirra Jóns Gunnlaugs ST 444 og Sæmundar GK 4 í pottinn fræga. Sem kunnugt er voru skipin kyrrsett alllengi í Skotlandi, en svo virðist vera að Jón Gunnlaugs hafi að lokum farið einn þaðan, en hollenski dráttarbáturinn Multrasalvor 3, hafi komið með Sæmund, nokkru á eftir, því Jón Gunnlaugs beið í sólarhring við strendur Belgíu áður en þeir komu þangað. Hér birti ég mynd af MarineTraffic, sem sýnir Jón Gunnlaugs, hollenska dráttarbátinn og síðan dráttarbát frá Belgíu sem gæti verið lóðsbáturinn.

1204. Jón Gunnlaugs, Multrasalvor 3 hugsanlega með 1264. Sæmund og Esvagt Supporter, undan strönd Belgíu, nú í morgun © skjáskot af MarineTraffic, kl. 10.08 í dag 6. nóv. 2014