Skemmtiferðaskipið Marco Polo sem strandaði á Buksnesfirði í Norður Noregi snemma í morgun losnaði af strandstað á fimmta tímanum í dag. Þetta kemur fram á vef fréttablaðsins Lofotposten

Þegar fór að flæða síðdegis losnaði skipið af sjálfu sér, að sögn björgunarmanna. Því var ekki þörf á aðstoð strandgæsluskipsins Harstad sem var á leið á staðinn. Yfir eitt þúsund manns eru um borð í Marco Polo, þar af 750 farþegar. Ekkert amar að fólkinu.