Í morgun var hafist handa að koma stækkuninni á Benna Sæm fyrir, hjá Skipasmíðasmíðastöð Njarðvíkur, en eins og ég sagði frá í gær var hann þá tekinn í sundur. Stækkunin hefur þegar verið útbúinn í hlutum og kom það skemmtilega á óvart að hún passaði alveg, nánast upp á millimeter.

Sett var í botninn á bátnum og þar með kjölurinn og síðan var unnið við að gera klárt til að taka við fleiri hlutum í stækkunina og mun ég fylgjast með því. Framkvæmdir á bátnum eiga að ljúka innan fimm vikna og þar með að mála bátinn og að hann geti þá hafið veiðar og Siggi Bjarna GK 5, komi þá og fari í gegn um sama feril og Benni Sæmi er í nú. Í morgun var nákvæmlega vika liðin frá því að hann landaði síðast í Sandgerði.

Kemur hér stutt syrpa af því þegar unnið var við frágang á þessu botnstykki og eins að gera klárt fyrir áframhaldið.

Frá vinnunni í dag og á neðri myndinni sést m.a. kjölurinn kominn á sinn stað og byrjað að ganga frá botninum, sést þetta betur á næstu myndum                 Stykkið allt og þar með kjölurinn smellir í eins og flís við rass                  Þráinn Jónsson framkvæmdastjóri Skipasmíðastöðvar Njarðvíkur t.v. og Stefán Sigurðsson fjármálastjóri fyrirtækisins skoða stöðuna © myndir Emil Páll, í dag, 21. okt. 2014   AF FACEBOOK: Þráinn Jónsson Emil er alveg að standa sig í myndasmíðinni.