Þegar þetta er skrifað bíður Óli á Stað GK 99, á Gullvagninum, eftir lögreglufylgd, er ferðinni er heitið á Sjávarútvegssýninguna, þar sem báturinn mun standa utanhúss í vagninum.

Hér birti ég syrpu sem ég tók af bátnum í Kópavogshöfn, í dag og þegar Gullvagninn tók hann á land og flutti á þann stað þar sem beðið er eftir lögreglufyldinni, en yfirvaldið sagði að það yrði í fyrsta lagi kl. 21, þar sem loka þyrfi Hafnarfjarðarveginum meðan farið yrði þar yfir.

Töluvert var um áhorfendur við Kópavogshöfn í dag meðan báturinn var þar og sérstaklega þegar Gullvagninn kom við sögu en þeir hjá Skipasmíðastöð Njarðvíkur voru fengnir til að koma inneftir. Flestir áhorfenda vildu ekki trúa því að Gullvagninn næði þessum stóra báti á land og gæti flutt hann, en allt gekk það þó upp og urðu áhorfendur mjög hissa, enda höfðu flestir enga enga vitnenskju um vagninn, eða getu hans.

2841. Óli á Stað GK 99, bíður við bryggju í Kópavogshöfn                                              Komið nær upptökubrautinni                               Beðið eftir að Gullvagninn renni ofan í sjóinn                                                      Siglt í Gullvagninn                             Gullvagninn lagður af stað með bátinn á land                                  Stærsti bátur sem tekinn hefur verið á land í Kópavogi, allaveganna eftir upptökubrautinni                                 Ákveðið var að bakka út götuna, þar sem erfitt yrði að snúa við með svona stóran bát                    Hér var Gullvagninum lagt, með bátinn, meðan beðið var lögreglufylgdar                 2841. Óli á Stað GK 99 , á Gullvagninum, í Kópavogi © myndir Emil Páll, 22. sept. 201