Þegar ég var að vinna myndirnar sem ég birti á dögunum um skip tengd Jóhanni Guðbrandssyni, svo og honum sjálfum, vaknaði hjá honum að gaman væri að hitta Grím Karlsson. Þegar ég minntist á það við Grím, kom sami áhuginn fyrir að hitta Jóhann og því ákvað ég í samráði við þá báða að við Grímur kæmum í gær í heimsókn til Jóhanns og úr varð frábær uppákoma. Þarna voru á ferðinni tveir gamlir skipstjórar, sem báðir höfðu að auki verið í útgerð og fiskvinnslu. Áður hafði komið í ljós að Jóhann átti líkan af Sandgerðingi GK 517, sem var hans fyrsti bátur og um leið kom fram að þetta var fyrsta líkanið sem Grímur hafði smíðað. Höfðu þeir því um margt að tala, sem ekki verður rætt nánar um hér.

Birti ég því myndir tengdar bátnum, þ.e. af síðasta nafni hans og tveimur fyrri nöfnum, svo og af þeim félögum Grími Karlssyni og Jóhanni Guðbrandssyni, sem ég tók í gær á heimili Jóhanns, í Sandgerði.

53. Andvari RE 8 © mynd frá Ljósmyndasafninu Ísafirði, en nú í eigu Jóhanns Guðbrandssonar                   53. Jón Guðmundsson KE 4, í Keflavíkurhöfn © mynd Emil Páll                  53. Sandgerðingur GK 517. líkan smíðað af Grími Karlssyni, nú í eigu Jóhanns Guðbrandssonar © mynd Emil Páll, 11. sept. 2014               Jóhann Guðbrandsson í brúarglugganum á 53. Sandgerðingi GK 517                                                   © mynd Sigurður Jóhannsson                   Grímur Karlsson (t.v) og Jóhann Guðbrandsson við hlið líkansins af 53. Sandgerðingi GK 517.  Ofan við bátinn má sjá landþernurnar af bátum og fleira honum tengt. En Jóhann á margt úr bátnum ennþá, þó báturinn hafi verið gerður ónýtur 1980 © mynd Emil Páll, 16. sept. 2014 Báturinn hét fyrst Andvari RE 8, síðan í réttri röð: Fiskaklettur RE 8, Fiskaklettur GK 131, Kristín VE 71, Jón Guðmundsson KE 4 og Sandgerðingur GK 517.                Jóhann Guðbrandsson, á spjalli, í gær, 17. sept. 2014 © mynd Emil Páll                    Grímur Karlsson, á spjalli, í gær, 17. sept. 2014 © mynd Emil Páll