Eftir hádegi í dag var Ebbi AK 37 sjósettur með Gullvagninum, í Skipasmíðastöð Njarðvíkur er það fyrirtæki ásamt Sólplasti í Sandgerði voru með samstarf um tjónaviðgerðina á bátnum. Sá Sólplast um alla plastvinnu, en annað koma í hlut Skipasmíðastöðvarinnar. Sem kunnugt er af fyrri fréttum hér á síðunni tók báturinn niðri á Gerðahólma, í Garði, er hann var á makrílveiðum 30. ágúst sl. Dró Máni II ÁR 7 bátinn til Keflavíkur þar sem landað var úr honum og fór hann síðan í samfloti með Hregga AK 85, til Njarðvíkur þar sem hann var tekinn upp.

Hér kemur myndasyrpa sem ég tók í Njarðvík í dag:

Gullvagninn bakkar með 2737. Ebba AK 37, niður að sjósetningabrautinni í Njarðvík í dag                                     Hér er báturinn kominn í sjóinn að nýju                      Báturinn laus við vagninn og þá er bara að bakka frá                      Því næst bakkaði Ebbi að bryggju í Njarðvíkurhöfn                              © myndir Emil Páll, í dag 15. sept. 2014   AF FACEBOOK: Guðni Ölversson Þetta er hörku bátur.