Feðgarnir Guðmundur  Björn Birkisson og faðirinn Birkir Þór Guðmundsson, hafa skemmtilegt áhugamál og hér sjáum við grein á heimasíðu þeirra http://hraun2.is/index.php/pilot

Núna er hafið næsta verkefni hjá okkur feðgum. Það er uppgerð á eikarbát sem kallast Pilot BA-6, en hann hefur staðið í höfninni á Bíldudal í um 10 ár. Við höfum þegar hafist handa að gera bátinn kláran til flutnings suður. Það hafa núna farið um 10 dagar í það að þétta bæði byrðinginn og dekk til þess að sporna fyrir leka. Þegar við tókum við Pilot var hann að leka um 120 lítra á klukkstund, en núna er lekinn horfinn. Hérna eru nokkra myndir af okkur að vinna í bátnum á Bíldudal.

Til þess að komast í byrðinginn undir sjólínu varð að taka bátinn upp í fjöru og láta fjara undan honum og það var gert þegar flóð var á Bíldudal, um kl 22 á föstudags kvöldi. Það fjaraði undan honum um nóttina og við feðgar vorum mættir að vinna í honum kl 4 um nóttina. Þegar flæddi aftur inn létum við Pilot leggjast á hina hliðina og unnum í henni fram eftir degi. Þegar flæddi aftur inn á laugardagskvöldinu vorum við búnir að klára að slá í báðar hliðar bátsins

Báturinn er smíðaður á Fárskrúðsfirði 1967, 14,95 m. að lengd og 25 brúttótonn og var fyrsta nafn hans Hafborg KE 54.

Emil Páll © emilpall.123.is

Báturinn var smíðaður af þeim merkilega manni Einari Sigurðssyni húsa- og skipasmíðameistara og hans stafsmönnum. Einar fæddist á Djúpavogi 8. apríl 1897. Foreldrar hans, Guðrún Ragnheiður Ögmundsdóttir frá Svínhólum í Lóni og Sigurður Einarsson úr Hálsþinghá í Berufirði. Fjölskyldan fluttist að Búðum í Fáskrúðsfirði árið 1901. Um tvítugt hélt Einar til Reykjavíkur, vann og nam um skeið í trésmiðju Völundar og lauk hann jafnframt iðnskólanámi og varð meistari í húsasmíði. Eftir það fór hann til náms og starfa í húsasmíði á Sandnesi í Noregi. Síðar lærði Einar skipateikningar í Reykjavík og hlaut meistararéttindi í skipasmíði. Árið 1921 snýr Einar heim til Fáskrúðsfjarðar og hófst handa við iðngrein sína. Stofnaði hann trésmíðafyrirtæki með Benedikt Sveinssyni húsasmið sem hlaut nafnið Trésmíðaverksmiðja Austurlands. Verkstæðishúsin voru lengst af innst í Búðaþorpi skammt fyrir utan svokallaðan Odda. Verkstæðið var því jafnan kennt við Odda og nefnt Oddaverkstæðið.

Smíði árabáta var meðal þess fyrsta sem Einar tók sér fyrir hendur. Bátar og bátasmíðar urðu mestu áhugamál hans þó skal því ekki gleymt að hann sinnti ætíð af miklum dugnaði annarri smíði víða um austfirði s.s. húsasmíði og gerð hafnarmannvirkja. Einnig lágu fyrir honum fjöldi viðhaldsverkefna í heimabyggð og í fjórðungnum.

Einari var einstakur maður, mannkostamaður að öllu leyti, áreiðanlegur og traustur fram í fingurgóma og ekki þurfti skriflegan verksamninga því að orð stóðu. Í uppgerðina er farið að auðmíkt og tryggð við uppruna og sögu bátsins. Einnig er þakklæti í huga fyrir það traust sem Strandmennigarfélag Akureyrar hefur snýnt okkur með því að láta varðveislu bátsins í okkar hendur. Eykur að mjög á tryggð við viðfangsefnið að báturinn tengist fjölskyldunni. Þannig að Einar Sigursson er móður afi konu Birkis hennar Kristínar Albertsdóttur. Þess má einnig geta að þetta var síðasti þilfarsbáturinn sem smíðaður var undir sjórn Einars í Odda.

Til að heiðra minningu hins merka manns, Einars Sigurðssonar, mun báturinn verða nefndur eftir honum og bera nafnið Einar í Odda.

Netfang þeirra feðga er: http://hraun2.is/index.php/pilot