Eins og áður hefur komið fram lést Markús Karl Valsson, skipaljósmyndari og skipasíðueigandi, þann 1. september sl. Við Krúsi, eins og hann var kallaður brölluðum oft mikið saman varðandi myndatökur og svo voru hlé á milli. Lengstu ferðina sem við fórum í myndatökur var fyrir 5 árum þ.e. 29. ágúst 2009, er við fórum um Snæfellsnesið með viðkomu á Akranesi.

Síðan höfum við komið víða við og síðasta skiptið þar sem við vorum báðir var er Víkingur AK 100 fór í pottinn og sigldi fram hjá Garðskaga og Reykjanesinu þann 11. júlí sl.

Á þessum árum hef ég birt myndir þar sem hann hefur komið fyrir og endurbirti ég nú sex þeirra, um leið og ég votta aðstandendum samúð mína.

Þessir þrír bátagrúskarar hittust á Sjóminjasafninu Víkinni í Reykjavík, f.v. Óskar Franz, Markús Karl Valsson  og Emil Páll Jónsson © mynd tekinn af viðstöddum,  30. júlí 2009

Birgir Guðmundsson, skipstjóri á Freyju KE 100 á spjalli við Fiskeftirlitsmann, aftan við Birgir sést í Markús Karl Valsson, Krúsa  © mynd Emil Páll, 21. nóv. 2009                    Halldór Magnússon (t.v.) og Markús Karl Valsson með smábátahöfnina í Grófinni í baksýn. Myndin er  tekin á svölunum í veitingahúsinu Duus við Grófina © mynd Emil Páll 14. jan. 2010                    BRYGGJUSPJALL Í NJARÐVIKURHÖFN  f.v. Magnús Magnússon, Markús Karl Valsson, Halldór Magnússon og Helgi Guðmundsson © mynd Emil Páll  28. janúar 2010              Um borð í Moby Dick. Helga Ingimundardóttir útgerðarmaður,  Guðmundur Falk skipstjóri og vélstjóri Moby Dick sem ég veit ekki nafnið á, ræða við Krúsa (Markús Karl Valsson) og sonur hans fylgist með © mynd Emil Páll, 10. júlí 2013                Um borð í Moby Dick. F.v. Emil Páll, síðan Reynir Sveinsson, fréttarritari Morgunblaðsins og Markús Karl Valsson © mynd Friðrik Friðriksson, 10. júlí 2013                     - Blessuð sé minning Markúsar Karls Valssonar -