Núna fyrir stuttri stund kom Máni II ÁR 7 til Keflavíkur með Ebba AK 37, sem tók niðri úti við Garð í dag. Einhver leki kom að bátnum sem losnaði strax, auk þess sem bógskrúfa fór úr sambandi svo og stýrið. Þegar komið var upp undir hafnargarðinn í Keflavík gat Ebbi siglt sjálfur að bryggju í Keflavík.

Uppi voru tvær kenningar um framhaldið en ekki búið að ákveða það síðast þegar ég frétti, en þær eru annars vegar að báturinn færi til Njarðvíkur til viðgerðar, eða að Hreggi AK 85, sem var að landa í Keflavík myndir draga bátinn til heimahafnar þeirra beggja Akraness, þar sem gert yrði við bátinn.

Samkvæmt nýjustu fréttum sigla þeir nú í samfloti Hreggi AK 85 og Ebbi AK 37, til Akraness

Hér eru myndir sem ég tók þegar þeir voru að koma til Keflavíkur.

1887. Máni II ÁR 7, með Ebba AK 37, í togi út af Vatnsnesi, í Keflavík                               Bátarnir komnir út á ytri-höfnina í Keflavík            1887. Máni II ÁR 7, laus við 2737. Ebba AK 37, sem siglir sjálfur í átta að Keflavíkurhöfn                     2737. Ebbi AK 37, siglir inn í Keflavíkurhöfn, núna áðan                    1887. Máni II ÁR 7, kemur inn í Keflavíkurhöfn                    1887. Máni II ÁR 7, bíður eftir löndunarplássi í Keflavíkurhöfn                                   © myndir Emil Páll, 30. ágúst 2014