Í gærkvöldi kom til Njarðvíkur báturinn Vísir SH 77 og í morgun var hann tekinn upp í Gullvagninn hjá Skipasmíðastöð Njarðvíkur og eftir að hafa verið þveginn var hann fluttur í lögreglufylgd til Sólplasts í Sandgerði. Strax í dag hófst vinna við að setja í hann astik og er reiknað með að báturinn fari jafnvel í sjó aftur fyrir helgi.

Ekki er bátur þessi með öllu ókunnur Sólplasti, því fyrir mörgum árum voru þar settir á hann síðustokkar, auk þess sem gerð var breyting á stýrishúsinu.

Að venju fylgdi ég ferð bátsins til Sólplasts og hér kemur syrpa frá þeim atburði.

1926. Vísir SH 77, við bryggju í Njarðvíkurhöfn, í morgun                                  Báturinn siglir í áttina af upptökubrautinni                  Hér er hann kominn þangað sem Gullvagninn mun taka bátinn                  Kominn í Gullvagninn og farinn að lyftast upp úr sjónum                                                       Kominn upp á land                                                Báturinn klár fyrir þvottinn                      Hér er búið að þrífa bátinn og beðið eftir lögreglunni                      Hér er komið eftir Póshússtrætinu í Keflavík                                        Farið um bryggjusvæðið í Keflavík                   Ekið eftir Ægisgötunni í Keflavík í átt að Grófinni og þaðan er síðan farið upp á Sandgerðisveg, en ég tók næst á móti þeim framan við aðsetur Sólplasts í Sandgerði                     Á Strandgötunni í Sandgerði og gert klárt til að bakka inn á athafnarsvæði Sólplasts                                 Þá er flutningnum lokið að þessu sinni              Þarna er Gullvagninn farinn undan bátnum og 1926. Vísir SH 77 stendur nú við hliðina á 2775. Sigga Gísla EA 255, á athafnarsvæði Sólplasts í Sandgerði © myndir Emil Páll, 26. ágúst 2014