20.08.2014 20:11
Magnús Geir KE 5 með stýrið fast í fullri beygju - Björgunarsveitin Þorbjörn bjargaði málum
Klukkan
15:30 í dag var Björgunarsveitin Þorbjörn boðuð út vegna vélarvana
skips vestur af Reykjanesi. Skipið sem heitir Magnús Geir KE rak í átt
að landi og þótti því ástæða til þess að flýta sér aðeins en það var
einungis 2 sjómílur frá landi þegar að boðin komu. Eftir að
björgunarskipið Oddur V. kom á vettvang og var kominn með skipið í tog
kom í ljós að Magnús Geir var með stýrið fast í fullri
beygju. Sökum þess gekk hægar að draga skipið í átt til Grindavíkur og
höfðu menn áhyggjur afþví að koma því inn í höfnina þannig að
hraðbjörgunarbáturinn Árni í Tungu var fenginn til aðstoðar ásamt
lóðsinum Bjarna Þór. Mjög vel gekk svo að koma skipinu inn í höfnina og
um klukkan hálf 9 núna í kvöld voru allir bátar komnir við bryggju.
Myndin er tekin rétt fyrir utan Grindavík núna í kvöld © mynd Björgunarsveitin Þorbjörn, Grindavík, 20. ágúst 2014
Myndin er tekin rétt fyrir utan Grindavík núna í kvöld © mynd Björgunarsveitin Þorbjörn, Grindavík, 20. ágúst 2014
Skrifað af Emil Páli
