Í sumar hef ég viðað að mér miklu og skemmtilegu efni til birtingar hér á síðunni.  Um er að ræða hátt í 300 myndir frá mér og Birgi Guðbergssyni, en mínar myndir eru flestar teknar á árunum 1965 til 1975 og hafa ekki komið fram áður og myndir Birgis eru teknar nær 1980 og þar í kring, jafnvel upp úr því ári. Þar sjáum við mörg skip, nánast eingöngu íslensk og þá bæði skipin sjálf og eins innanborðs, mannskap og fleira. Birting á þeim hefst upp úr miðri næstu viku og kemur í bland við annað efni hér á siðunni, en hér fyrir neðan, kemur eitt lítið sýnishorn sem birtist nú.

Annað kvöld birti ég svo myndir og sögu 17 af fjölmörgum skipum Haraldar Böðvarssonar & Co.

Öðru hvoru megin við helgina koma hugrenningar um mál sem skiptir sjómenn og útgerðarmenn þó nokkru máli. Áformað er að vera með hugrenningar af og til, hér á síðunni.

AF þessu tilefni sendi ég  Birgi Guðbergssyni, sem starfar sem friðarliði hjá Sameinuðu þjóðunum í Afríku, Sveini Sturlaugssyni útgerðarmanni, o.fl. er hjálpuðu mér að ná þessu, kærar þakkir fyrir samstarfið                             

                                                                Elvis

Það sem nú birtist er um bát þennan og það merkilega við þann bát er að hann er ennþá til.

Báturinn hét Elvis og var skráður í Keflavík og bar hann það nafn á árunum 1981, að hann kom nýr frá Hafnarfirði og til 1987 að hann var seldur.

Eftir að hafa verið gerður út sem Hringur II, Hringur ÞH 265 og Hringur HF 40, tók Kristján Nielsen að sér að lengja bátinn árið 1995, fyrir þáverandi eigendur. Kristján var tengdur eigendum bátsins í upphafi, því það var faðir hans Preben Nielsen og bróðir Kristjáns, Baldvin Nielsen sem skráðir voru eigendur á honum fyrst.

Bátur þessi er ennþá til og heitir í dag Bjarmi HF 368 og birti ég mynd af honum undir því nafni svo og undir nafninu  Hringur HF 40 auk mynda frá Elvistímanum.

Elvisnafnið á bátnum er þannig tilkomið að Baldvin Nielsen var  og er mikill Elvisaðdáandi og því var hann skírður í höfuðið á Elvis Prestley. Næstkomandi laugardag 16. ágúst eru liðin 37 ár síðan Elvis Presley féll frá, en goðið hefði orðið áttræður  8. janúar nk.

Um borð í Elvis í þessari ferð voru Baldvin Nielsen og Birgir Guðbergsson, ásamt Hafrúnu Hermannsdóttur, þáverandi sambýliskonu Baldvins og barnsmóðir hans, af þremur börnum.

Hér sjáum við þyrluna er hún sveimaði yfir þeim á 6908. Elvis, eftir að báturnn fannst að nýju                                             6908. Elvis í prufusiglingu eftir viðgerð á Patreksfirði                          6908. Elvis í prufusiglingu á Patreksfirði                                                   © myndir Birgir Guðbergsson                       6908. Hringur HF 40 ex ex Elvis á árunum 1992 - '97              6908. Bjarmi HF 368, sami bátur, en nokkuð breyttur í útliti © mynd Emil Páll, í Hafnarfirði 18. apríl 2014   AF FACEBOOK: Sigurbrandur Jakobsson Já þetta lofar sko góðu big like á þetta