Við bátagrúskaranir fögnum alltaf því þegar við komumst yfir upplýsingar sem við vissum ekkert um. Hér birti ég því upplýsinar sem birtust á vef Ljósmyndasafns Skagastrandar og ég vissi ekki um og hef ekki séð á neinni skipasíðu.

 ,,Haraldur AK 10 var  199 brúttótonn með 550 He MWM vél. Þetta glæsilega skip var smíðað fyrir fyrirtæki á Skagatrönd (Útgerðarfélag Höfðakaupstaðar og  Hólanes h/f ??) í  Noregi 1961 og hefði vafalaust verið skírt Aðalbjörg HU 5 ef menn hefðu ekki gugnað á síðustu metrunum og Haraldur Böðvarsson á Akranesi gekk inn í samninginn."

Þetta skip fékk síðan nöfnin Gandí VE 171 og Kristbjörg VE 71 og undir því síðarnefnda fór það í pottinn nú fyrir stuttu og dró með sér Fram ÍS 25.


              84. Haraldur AK 10, við bryggju á Skagaströnd © mynd í eigu Ljósmyndasafns Skagastrandar, ljósmyndari Guðmundur Guðnason