Eins og oft hefur komið fram voru þeir hjá Sólplasti að breyta skemmtibátnum Vending í fiskibát, sem fengið hefur nafnið Raggi ÍS 319. Kemur hér syrpa er báturinn var tekinn út hjá Sólplasti í morgun og fluttur niður að höfn og sjósettur þar. Á morgun kemur síðan önnur syrpa, því ég fékk eiganda bátsins til að taka fyrir mig hring, þegar hann fór úr höfn og til Hafnarfjarðar í dag.

Að auki birti ég mynd af eiganda bátsins, svo og föður hans, sem báturinn heitir eftir. Þá er birt mynd að bátnum þegar hann kom til Sólplasts sem skemmtibátur 6. febrúar sl. og að lokum eru myndir teknar um borð sem sýna að komin er lest og vélarrúm í bátinn, auk annars.

Eigendur bæði Ragga, sem er frá Súðavík og Sæljóma sem er frá Patreksfirði stefna á það að komast vestur um helgina því á mánudag hefjast strandveiðar.


            7641. Raggi ÍS 319, dreginn í átt að bíl Jóns & Margeirs úr Grindavík sem flytja mun bátinn niður á Sandgerðishöfn og sjósetja hann þar




                 7641. Raggi ÍS 319, hífður upp á flutningavagninn frá Jóni & Margeiri


                                  Báturinn fluttur út af athafnarsvæði Sólplasts




            Höfð var viðkoma hjá Vélsmiðju Sandgerðis, þar sem skrúfan var sett á bátinn, en hún var þar til viðgerðar


                    Keyrt út frá Vélsmiðjunni og fram hjá Sandgerðisvita á leið á bryggjuna


                                         Komið niður á hafnargarðinn í Sandgerði




                             Sjósetningin í Sandgerðishöfn, þ.e. báturinn hífður í sjóinn


                     7641. Raggi ÍS 319, kominn í sjóinn í Sandgerðishöfn í morgun - á morgun birtist syrpa af honum er eigandinn tók fyrir mig hring á höfninni, áður en hann fór til Hafnarfjarðar


                  Jónas Ragnarsson, eigandi bátsins (t.v.) og faðir hans Ragnar Þorbergsson, við bátinn sem ber gælunafn Ragnars


               7641. Vending ( skemmtibátur) eins og hann leit út er hann kom til Sandgerðis 6. febrúar 2014


           7641. Raggi ÍS 319, er hann sigldi fyrir mig á Sandgerðishöfn í dag - fleiri myndir á morgun


          Séð aftur eftir bátnum, í morgun, en ekki var búið að setja á hann lestarlúgurnar er ég tók myndirnar


                                                  Hér sjáum við fram eftir bátnum

                                              © myndir Emil Páll, í dag, 2. maí 2014