Jón Páll Jakobsson, skrifaði þetta á bloggsíðu sína, frá Harstad í Noregi, 26. apríl sl.:

Slippurinn hérna heitir  Hamek bara svona ef þið þurfið að láta öxuldraga og er hann á tveimur stöðum hérna í bænum og á föstudaginn voru þeir að taka upp Vonar stórann beitingavélabát og þá
gerðist þetta.

 

 

Slippurinn hreinlega gaf sig og báturinn lagðist á hliðina. Það virðast vera þó nokkrar skemmdir á honum aðalega aftan til og framendanum þar sem hann skall utan í húsið eins og sést á myndinni.

 

 Hérna er mynd tekinn hinum megin þ.e.a.s bakborðshliðin. Þetta var víst rosalegur dynkur fólk í miðbænum hélt það væri að koma jarðskjálfti.

 

Ég hitti fyrir tilviljun annan af yfirmönnunum í slippnum þarna í dag og hann sagði hreinlega ekki vita hvernig þetta færi en reiknað væri með að fá stórann krana og til að reyna að rétta bátinn af og síðan kæmi bara í ljós hvað yrði gert.
 
                           © myndir og texti: Jón Páll Jakobsson, 26. apríl 2014