Frá því snemma í haust hafa hvalaskoðunarskipin Hafsúla og Elding, nánast verið í stanslausum hvalaskoðunarsiglingum frá Suðurnesjum og nú hefur Andrea bæst í hópinn. Mest sigla þau frá Sandgerði og Grindavík og einstaka sinnum einnig frá Keflavík. Er farþegunum ekið með rútum frá höfuðborginni og virðist Sandgerði vera aðalstaðurinn í huga tveggja fyrstnefndu skipanna.

Tók ég í dag myndir af Hafsúlu og Eldingu er þau komu til Sandgerðis í einni ferðinni og eins af Andreu er hún fór út frá Keflavíkurhöfn eftir hádegi í dag.

1047. Elding, að koma inn til Sandgerðis í dag                         2511. Hafsúla, kemur til Sandgerðis í dag og á neðstu myndinni sjást rútur sem bíða komu skipsins                                          2787. Andrea í Keflavíkurhöfn í dag                  2787. Andrea, siglir út úr Keflavíkurhöfn og út á Stakksfjörðinn, í dag                      Siglt út á Stakksfjörðinn, Vogastapi sést á næst síðustu myndinni og fjallið Keilir á þeirri neðstu © myndir Emil Páll, 25. feb. 2014