Þó síðan sé aðeins rétt rúmlega fjögurra ára gömul náði fjöldi flettingu sl. sunnudag að verða samtals á þessum tíma 7 milljónir og síðan þá hafa bæst um 30 þúsund flettingar við.

Af því tilefni ætla ég nú að grobba mig svolítið með eftirfarandi staðreyndum:

Mánaðarlega set ég inn 600 til um og yfir 800 myndir. Margar nýjar, en einnig endurbirtingar. Til þess að ná því takmarki að koma með sem flestar nýjar hefur mér tekist að framkalla öflugt net ljósmyndara, bæði hér innanlands og eins utanlands, sem senda mér myndir reglulega.

Birti ég nú myndir af sex ljósmyndurum, en þeir eru þó ekki nærri allur ljósmyndarahópurinn, því of langt mál væri að telja þá alla upp, auka manna sem senda mér annað slagið myndir. Þeir sem eru á myndunum eru ekki staðbundnir algjörlega því eins og fram kemur nú þegar ég tel þá upp þá hafa þeir tekið myndir fyrir mig víða.

Birti ég nú nöfn þessara sex í stafrófsröð og segi um leið hvaðan þeir koma með myndir.:

Bjarni Guðmundsson, hann er á Neskaupstað, en hefur að auki sent mér myndir víða af austfjörðum og raunar myndir sem hann hefur tekið all í kring um landið svo og af sjó.

Heiða Lára, eða Aðalheiður Lára Guðmundsdóttir, eins og hún heitir réttu nafni, býr á Grundarfirði og þaðan koma myndir, sem og víðar af Snæfellsnesi, nýlega komu myndir frá Ísafirði og frá henni hafa komið myndir af Suðurnesjum, Suðurlandi og víðar.

Jónas Jónsson, býr i Sandgerði og hefur tekið fyrir mig myndir á Vestfjörðum,  Suðurlandi, Húsavík, Hólmavík og víðar.

Sigurbrandur Jakobsson, býr í dag á Akureyri og þaðan streyma frá honum myndir, sem og víðar af Norðurlandi, Akranesi, Snæfellsnesi, Reykjavík, Austfjörðum, Vestfjörðum, Vestmannaeyjum og víðar.

Svafar Gestsson, hefur sent mér mikið af myndum teknum úti á sjó bæði hérlendis sem erlendis, auk mynda frá Akureyri, Húsavík og víðar, að ógleymdum myndum teknum víða erlendis, s.s. Noregi, fjarlægðum löndum og víðar.

Þorgrímur Ómar Tavsen, hefur tekið mikið að myndum fyrir mig úti á sjó, auk mynda á Suðurnesjum, höfuðborgarsvæðinu, Vestfjörðum, Norðurlandi og nánast um allt land.


                                                Bjarni Guðmundsson


                                            Sigurbrandur Jakobsson


           Þorgrímur Ómar Tavsen og Heiða Lára, eða Aðalheiður Lára Guðmundsdóttir, eins og hún heitir fullu nafni


                           Svafar Gestsson (t.h.) ásamt Emil Páli Jónssyni


                                                           Jónas Jónsson
                 
                    © allar myndirnar, nema sú sem er af Sigurbrandi, eru teknar af Emil Páli

Sem fyrr segir er þetta ekki nema lítill hluti þeirra manna sem taka myndir fyrir mig, því of langt væri að telja þá alla upp. Kannski fæ ég þó tækifæri til að gera það fljótlega. Þá eru þó nokkuð um það að ýmsir aðilar sem starfa í þjónustustörfum og ferðast mikið taki myndir fyrir mig í leiðinni. Einnig hef ég aðgang að síðum sem enn aðrir eru með og má taka myndir þaðan eftir þörfum

En að auki hef ég í kring um mig stóran stuðningshóp sem styður mig og aðstoðar með ýmsum hætti

      Öllum þessu fólki sendi ég kærar þakkir fyrir, því án þeirra væri síðan ekki það sem hún er í dag

                    Kær kveðja Emil Páll

AF Facebook:

Þorgrímur Ómar Tavsen Ánægður með að fá að taka þátt í svona flottri síðu

Einar Örn Einarsson Flott framtak Emil Páll Jónsson ometanlegt ad hafa adgengi ad svona miklum frodleik og søgu. Kvedja fra Afriku

AF Netinu:

Stefán Þorgeir: Nú eru tímamót hjá kallinum og óska ég þér og ykkur til hamingju með þennan glæsilega árangur en mér finnst eitt vannta og það er það að þú opnir commentakerfið aftur og þeir sem eru með kjaft við þig verða bara að eiga það við sjálfan

Emil Páll: Sendi kærar þakkir fyrir það sem hér hefur komið, en sem svar við fyrirspurn Stefáns er að athugasemdarkerfið verður aldrei opnað á þessari síðu, eða öðrum síðum sem ég verð með.