Hér segi ég frá tveimur fyrrum fiskibátum á Íslandi sem síðar urðu þjónustubátar í Noregi og báru m.a. báðir nafnið Arnar SH 157, ásamt auðvitað fleiri nöfnum. Báðir hafa þeir haft allavega fram á síðasta ár tengingu við Ísland. Allt um það hér fyrir neðan:

162. Ólafur Tryggvason SF 60, síðan Hringur GK 18, Bliki EA 12, Arnar ÁR 55, Sólrún EA 351, Rún EA 851, Arnar SH 157, Fagriklettur HF 123 og að lokum Pólaris og þó hann væri kominn sem þjónustubátur í Noregi hélt hann íslensku skráningunni og nafninu Pólaris, þangað til að honum var flaggað til Avatiu, á Cook islands á síðasta ári.

1291. Jón Helgason ÁR 12, síðar Jón Helgason SF 15, Votaberg SU 12, Sæþór EA 101, Arnar SH 157 og svo Actic Star, með heimahöfn að mig minnir í Belize, en gerður út til þjónustustarfa frá Noregi og hefur haft samskipti við Ísland a.m.k. tvö síðustu ár. Í hittifyrra var hann um tíma í höfn á Austfjörðum og þá um haustið kom hann til Njarðvíkur, eftir verkefni á Grænlandi og var í Njarðvík fram eftir síðasta vetri að honum var siglt út af íslendingum og skipstjóri í þeirri ferð var Ölver Guðnason, sem er búsettur í Noregi.


         162. Polaris, í Troms, í Noregi © mynd Trawlerphotos, 29. feb. 2012
                                    Hann hefur IMO nr. 5261922


             Arctic star ex 1291. í Troms, í Noregi © mynd Trawlerphotos 29. feb. 2012
                                                   IMO nr. 7311458