Hér er rætt um tvo eikarbátar, sem í dag eru báðir gerðir út á rækjuveiðar við Eldey, þó þeir séu komnir á sjötta áratuginn. Slíkt er fátítt varðandi eikarbáta og þá sérstaklega um báta sem enn eru fiskiskip.



             288. Jökull SK 16 (sá fremri) smíðaður 1959 og 923. Orri ÍS 180 ( sá aftari) smíðaður 1957 © mynd Emil Páll, í Sandgerði í gær,  4. jan. 2013

923. Var smíðaður í Danmörku árið 1957 og endurbyggður hjá Skipasmíðastöð Njarðvíkur 1976 - 1979 að verkið stöðvaðist. Í janúar 1982 var ákveðið að farga bátnum þar sem Fiskveiðasjóður vildi ekki fjármagna endurbæturnar á bátnum. Aldrei varð þó gert í málinu og hófust endurbætur aftur í júní 1984 og lauk þeim 17. febrúar 1985. Var hann þá m.a. yfirbyggður og breytt í frambyggt skip.

Nöfn: Þorleifur Rögnvaldsson ÓF 36, Ásmundur GK 30, Flosi ÍS 15, Sólrún GK 61, Símon Gíslason KE 155, Sigurður Þorkelsson ÍS 200, Skálaberg ÞH 244, Hlíðar Pétur NK 15, Stakkanes ÍS 72, Gísli Júl ÍS 262, aftur Hlífar Pétur NK 15, Sunna Björg HF 87, Kolbrún ÍS 74, Freyja GK 364, Röstin GK 120 og núverandi nafn: Orri ÍS 180 -  báturinn verður því 57 ára á þessu ári - Bátur þessi gengur undir nafninu Seniver-báturinn, því hann var leigður til smyglferðar til Belgíu þar sem hann kom til baka með fullfermi af Seniver.

288. Var smíðaður í Þýskalandi 1959 og er því 55 ára gamall á þessu ári. Hann hefur borið mun færri nöfn, sem eru: Árni Geir KE 31, Þorsteinn Gíslason KE 31, Þorsteinn Gíslason GK 2, Arnar í Hákoti SH 37 og núverandi nafn: Jökull SK 16

Báðir er bátarnir því rúmlega hálfrar aldar gamlir, annar verður á árinu 55 ára. en hinn 57 ára.