Horst B. leiguskip ex ex Arnarfell, í Rotterdam © mynd shipspotting, Henk Jurgerius, 5. sept. 2013

mbl.is:

Flutningaskipið Horst B, sem Eimskip gerir út, rakst utan í bauju þegar skipið var á leið út úr höfninni í Þórshöfn í Færeyjum á Þorláksmessukvöld. Skemmdir urðu á skrúfu skipsins og neyddist það til að leita hafnar á ný.

Ólafur William Hand, upplýsingafulltrúi Eimskips, segir að skipið hafi verið á leið út úr höfninni í slæmu veðri. Höfnin sé þröng og skipið hafi fokið í bauju í höfninni. Kafarar hafi kafað undir skipið og séð að skemmdir voru á skrúfu skipsins. Hann segir að skipið sé búið að vera stopp í Færeyjum síðan á Þorláksmessu, en beðið sé eftir varahlutum til að gera við skemmdina.