Já þetta er í fyrsta skiptið sem ég hef orðið vitni af því að á sama tíma séu þrjú hvalaskoðunarskip frá höfuðborginni, í Keflavíkur- og Njarðvíkurhöfn á sama tíma og svo skemmtilega vill til að þegar ég tók myndasyrpuna til að staðfesta þetta kom þarfasti þjóninn þar við sögu.
Sagan hófst í Njarðvík en þangað komu Hafsúla og Elding og stuttu síðar komu þrjár fullar rútur með farþega, en á meðan rútunar voru að athafna sig fór ég inn í Innri-Njarðvík til að ná mynd af skipinum saman og þá kom þarfasti þjóninn inn á myndirnar. Síðan er ég kom til baka var Eldingin farin af stað en ég náði að sjá Hafsúluna sigla út úr Njarðvík. Ekki kom þetta þó að sök því ég sá skömmu síðar bæði Eldinguna og Hafsúluna sigla út Stakksfjörðinn og á þeim tímapunkti kom Rósin til Keflavíkur, en enga mannaumferð sé ég við það skip meðan ég staldraði þarna við. Hér kemur myndasyrpa sem ég tók við þetta tækifæri.


          Ekki var hátt í og því sést lítið af 2511. Hafsúlu og 1047. Eldingu upp fyrir bryggjuna í Njarðvík


 

        Á báðum þessum myndum sem teknar eru úr Innri - Njarðvík sjást 2511. Hafsúlan og 1047. Elding í Njarðvíkurhöfn og á báðum myndunum sést þarfasti þjóninn, já meira segja tveir (hestar) neðst í vinstra horninu






                                              2511. Hafsúla, siglir út úr Njarðvíkurhöfn


         Þarna sjáum við bæði 1047. Hafsúlu og 2511. Hafsúluna á leið út á Stakksfjörðunni, en af því að nokkur fjarlægð er á milli þeirra eru skipin lítil á myndinni.









                           Á sama tíma er 2761. Rósin, komin inn í Keflavíkurhöfn




                                   2511. Hafsúlan á siglingu framan við Keflavíkurhöfn


                                  1047. Elding, á siglingu framan við Keflavíkurhöfn








               1047. Elding siglir út Stakksfjörðinn og er hér að sigla fram hjá Vatnsnesinu




          2511. Hafsúlan, siglir út Stakksfjörðinn og er hér líka að fara fram hjá Vatnsnesinu, í Keflavík

                             © myndir Emil Páll, í dag, 16. nóv. 2013