Gísli KÓ 16, sem í dag var tekinn inn í hús hjá Sólplasti í Sandgerði var að fara inn í hús í fyrsta skiptið á þeim tæpu 27 árum sem liðin eru frá því að smíði hans lauk í Noregi. Á þeim tíma hefur hann að vísu farið einu sinni í skutlengingu og svo skemmtilega vill til að það var hjá Sólplasti, sem þá var í Innri-Njarðvík, árið 2001. Þá var hann ekki tekinn í hús, heldur tjaldað yfir þann hluta bátsins sem unnið var við.
Báturinn var smíðaður í Harstad, í Noregi og var skráður í febrúar 1987 og hefur borið nöfnin:  Sunna EA, Unna HF, Unna KE, Unna ÍS og nú Gísli KÓ.

Hér kemur myndasyrpa sem ég tók af bátnum í dag frá því að hann var niðri á bryggju í Sandgerði og þar til hann var kominn inn í húsið hjá Sólplasti, sem  nú vermir hann í fyrsta skiptið á þessum tæpu 27 árum.




           1909. Gísli KÓ 10, bíður þess á bryggjunni í Sandgerði, eftir að verða sóttur, í dag






            Ferðin er hafin upp bryggjuna og er hann dreginn af lyftara frá Vélsmiðju Sandgerðis og eru eigandi bátsins ásamt Kristjáni Nielsen, hjá Sólplasti í rauða bílnum á eftir












                             Strandgatan farin frá höfninni og í átt að Sólplasti






                    Hér er nánast komið að Sólplasti og því tekur Kristján sig út úr röðinni


                  Hér er Valli á lyftaranum að gera sig klárann til að geta bakkað inn á athafnarsvæði Sólplasts








              Þarna er eigandinn kominn upp í bátinn, því taka þurfti niður mastrið áður en bakkað væri inn


                                 Svo er bara að bakka inn í húsnæði Sólplasts




                    Þarna er báturinn nánast kominn inn og Kristján fylgist með




               Þarna eru þeir saman inni, hlið við hlið 2576. Bryndís SH 128 og 1909. Gísli KÓ 10, hjá Sólplasti í Sandgerði í dag © myndir Emil Páll, 9. nóv. 2013