Ný-Fiskur í Sandgerði © mynd Emil Páll, 2007

Icelandic Group hefur undirritað viljayfirlýsingu við eigendur fiskvinnslufyrirtækisins Ný-Fisks í Sandgerði um kaup á fyrirtækinu. Þetta kemur fram í frétt á heimasíðu Icelandic.

Stefnt er að því að kaupsamningur milli aðila verði undirritaður fyrir áramót að lokinni áreiðanleikakönnun.

Í umfjöllun Fiskifrétta um Ný-Fisk fyrr í sumar kemur fram að Ný-Fiskur veltir hátt á fjórða milljarð króna og fyrirtækið vinnur úr um 7 þúsund tonnum af hráefni. Þar starfa um hundrað manns.