bb.is:

                                                 78. Ísborg ÍS 250 © mynd bb.is

"Þessi ákvörðun er einfaldlega rothögg fyrir þetta byggðarlag. Væntanlega fara þeir þá að gera út á þessar heimildir sínar. Þeir hafa ekki gert það hingað til. Það sem vantar inn í þessar tillögur er að ef menn nýta ekki heimildir sinar eiga þeir ekki að hafa þær áfram. Við höfum atvinnu af þessu og verksmiðjan hérna byggir á þessu. Við eru sennilega 160 sem höfum atvinnu af þessu á svæðinu, beint og óbeint, og þetta er bara rothögg fyrir þennan hóp," segir Arnar Kristjánsson, skipstjóri og eigandi rækjuskipsins Ísborgar ÍS 250. Eins og fram hefur komið er áformað að úthluta 30% aflaheimilda í úthafsrækju eftir veiðireynslu samkvæmt lagafrumvarpi sem Sigurður Ingi Jóhannsson atvinnuvegaráðherra hyggst mæla fyrir á haustþingi.
 
Arnar Kristjánsson hefur gert Ísborg út á rækjuveiðar meðan veiðarnar voru frjálsar og hefur aflað sér töluverðrar veiðireynslu á undanförnum árum. "Það sem ég vil segja er að þetta er mjög slæm niðurstaða ef rétt verður, vegna þess að það skiptir ekki máli hvort hann tekur af þér 30, 50 eða 70% aflaheimilda, þeir eiga ekki eftir að nýta þær. Og þá eiga þeir ekki að vera handhafar, heldur þeir sem eru að nota þetta. Þá væri eðlilegra að hafa veiðarnar áfram frjálsar og leyfa mönnum sulla í þessu," segir Arnar.