30.07.2013 19:41
Báturinn kominn út
Skessuhorn.is um kl. 18.30:
Báturinn kominn út
Bátnum Magnúsi SH hefur verið kom út úr slippnum á Akranesi og gengur slökkvistarf nú betur. Báturinn var dreginn út nú á sjötta tímanum. Eldsins var vart í bátnum í hádeginu en þá stóð yfir vinna við lengingu hans. Eldurinn hefur verið erfiður viðureignar og hefur mikill hiti gert slökkvistarf erfitt. Slökkviliðsmenn sáu t.d. ekki handa sinna skil í slippnum vegna mikils reyks. Gashylki voru um borð í skipinu og hefur viðbúnaður verið mikill vegna sprengjuhættu.
Magnús SH er skráður 28 metra langur og náði báturinn næstum stafna á milli í húsinu. Talið er að eldurinn hafi kviknað út frá logsuðutæki. Slökkviliði Akraness barst liðsauki frá Slökkviliði Borgarbyggðar og reykköfurum Slökkviliðs höfuðborgarsvæðisins sem voru fluttir til Akraness með þyrlu Landhelgisgæslunnar fyrr í dag. Útvega þurfti rafstöðvar til að koma straumi á dráttarbrautina, þannig að hægt væri að draga bátinn út. Um 30 slökkviliðsmenn hafa tekið þátt í aðgerðinni. Engann hefur sakað svo vitað sé.
