03.07.2013 07:00
Sigurður VE 15 - enn í Eyjum
183. Sigurður VE 15, í Vestmannaeyjahöfn í lok síðustu viku © myndir Friðrik Friðriksson, í júní 2013
Smíðaður í Bremenhaven, Vestur-þýskalandi 1960 sem botnvörpungur (síðutogari), yfirbyggður og breytt úr botvörpungi í fiskiskip 1978. Fyrstu árin eftir þá breytingu var skipið notað eins og hvert annað fiskiskip, en síðan varð það eingöngu nótaskip.
Vetrarvertíðina 1982 var skipið gert út af Hraðfrystistöðinni í Keflavík og varð þá stærsta fiskiskipið sem gert hefur verið út frá Keflavík, auk þess sem það var þá stærsta netaskipið í heiminum.
Frá upphafi hefur það alltaf borið nafnið Sigurður, en var fyrst ÍS 33, síðan RE 4 og er nú VE 15. Samkvæmt fréttum átti að sigla því frá Eyjum til Danmerkur í brotajárn og átti það að fara frá Vestmannaeyjum daginn eftir sl. sjómannadag, en er þó enn í Eyjum.
Skrifað af Emil Páli
