Á svona góðviðrisdegi eins og var í dag, eru margir bátar á sjó, ekki bara strandveiðibátar, heldur einnig bátar með kvóta. Kom þetta vel í ljós er ég leit við í Sandgerðishöfn um kl. 17 í dag, en þangað sækja margir bátar til að landa, bátar víða af að landinu, bæði hér af suðurhorninu sem víðar. Á þessum tíma sem ég staldraði við varð ég vitni af því að margir bátar komu með mjög stuttu millibili, þannig að fljót myndaðist löndunarbið. Þó er Sandgerði mjög vel sett, því þar eru 5 löndunarkranar og þann tíma sem ég staldraði þarna voru þeir oftast allir uppteknir og úti á höfninni biðu kannski 4 bátar til að komast að. Biðin var þó aldrei mjög löngu sem stafar af því hversu margir löndunarkranar eru á staðnum.
Birti ég nú myndir af bátum þar sem oftast sjást fleiri en einn á höfninni í einu, ýmist að bíða eftir að komast að eða búnir að landa og á leið í leguplássið. Á morgun mun ég síðan birta myndasyrpur af mörgum þessara báta og þá koma jafnvel við sögu fleiri bátar en hér sjást.






             Hér koma nánast samtímis til hafnar 7426. Faxi GK 84 og 7255. Brynjar KE 127


                           Strax á eftir 7255. Brynjari KE 127 kom 5907. Fengur SU 33


                  Hér er 7426. Faxi GK 84, kominn í biðröðina eftir löndunarplássi


            Þarna er 6794. Æsa GK 115 (t.h.), búinn að landa, en 7189. Hafdís GK 202 fer í plássið sem hann var í


           5940. Dísa GK 93, búin að landa, 6159. Þórdís GK 198 og 2728. Hringur GK 18, eru að landa og hér til vinstri sést í 7426. Faxa GK 83 sem er enn að bíða eftir löndunarplássi


            Hér eru sömu bátar og á myndinni fyrir ofan, nema hvað það sést líka í 2361. Tjúllu KE 18, sem er við löndunarkrana


            6794, Æsa GK 115, siglir fram hjá 7426. Faxa GK 84 sem bíður ennþá. Við bryggjuna sjást 2728. Hringur GK 18, 2361. Tjúlla KE 18 og 7189. Hafdís GK 202


            6794. Æsa GK 115, og á eftir henni kemur 5940. Dísa GK 93, en búið er að landa úr þessum báðum og þeir því á leið í leguplássið.


             5940. Dísa GK 93 siglir yfir í leguplássið, 5907. Fengur SU 33 (þessi guli) að bíða eftir löndunarplássi og 1971. Stakafell GK 132 kemur inn á höfnina


                       Hér sjáum við þá 5907. Feng SU 33 og 7255. Brynjar KE 127.


                                5907. Fengur SU 33 og 1971. Stakafell GK 132


                               Hér eru það þeir sömu og á myndinni fyrir ofan


               6159. Þórdís GK 198 ( Lengst til vinstri) búinn að landa, 7255. Brynjar KE 127, stefnir í plássið sem Þórdís var í og 1971. Stakafell GK 132, bíður enn.


              6159. Þórdís GK 198, á leið í leguplássið, 7426. Faxi GK 84 í löndunarplássi og 7255. Brynjar KE 127 stefnir í laust löndunarpláss


              6159. Þórdís GK 198, á leið í leguplássið og 5907. Fengur SU 33, en i biðsal.


           5907. Fengur SU 33 og 1971. Stakafell GK 132, bíða eftir löndunarplássi og við bryggjuna eru: 7255. Brynjar KE 127, 2728. Hringur GK 18, 2361. Tjúlla KE 18, 7426. Faxi GK 84 og 7189. Hafdís GK 202


           Sömu bátar út á og á myndinni fyrir ofan og við bryggjuna sjást fjórir þeirra sem eru á myndinni fyrir ofan þessa


             5907. Fengur SU 33 og sömu bátar við bryggjuna. Hér læt ég staðarnumið að sinni, en áfram hélt þetta fram eftir kvöldi og á morgun koma myndir sem ég tók af sumum af þessu bátum á siglingu og nokkrum öðrum til viðbótar © myndir Emil Páll, í Sandgerði, í dag 19. júní 2013