13.06.2013 15:45
Sigurbjörg KE 14 o.fl.
740. Sigurbjörg KE 14, í Keflavíkurhöfn, 1977
740. Sigurbjörg KE 14 o.fl. í Keflavíkurhöfn snemma á 8. áratug síðustu aldar © myndir Emil Páll
Smíðuð í Danmörku 1946.
Sigrún AK 71 lenti í miklum hrakningum á norðaverðum Faxaflóa 4. - 5. janúar 1952 ( sjá Víking bls. 11, 1. - 2. tbl. 1952).
Úrelding 3. nóv. 1986. Þegar átti að farga bátnum fóru menn með hann norður fyrir Rit og opnuðu þeir ventla en vegna veðurs vildu þeir ekki hanga yfir honum meðan hann færi niður. Endalok bátsins hafði verið fyrirséð og því var hann skilinn eftir sökkvandi á reki.
Versnandi veður mun hinsvegar hafa valdið því að sú gamla rak upp, fyrr en varði og brotnaði þar í spón. Það mun svo hafa verið ærinn starfi hjá Landhelgisgæslunni, ásamt fleirum að hirða stórviði úr bátnum á reki um allan sjó.
Nöfn: Sigrún AK 71, Sigurbjörg KE 98, Sigurbjörg KE 14 og Sigrún KE 14
Skrifað af Emil Páli
