Eins og sjá má á myndunum sem ég tók frá Keflavíkurhöfn í dag, virðist sem þyrla frá Gæslunni hafi stoppað ansi í miklu lágflugi yfir skipi í Njarðvíkurhöfn. Hafði ég því samband við nokkra sem þar voru við vinnu á þessum tíma og bar þeim saman að það hefði verið skipið 971. Fram ÍS 25 sem vakti forvitni gæslunnar, en hlerinn var opinn meðan þyrlan var stopp fyrir ofan bátinn, en síðan lokað þegar flogið var burt. Samkvæmt vef gæslunnar var farið eftirlits- og lögregluflug í dag og því spurning hvort þetta tengist því og þá hvernig.

Hlerinn var opinn á þyrlunni meðan hún var þarna rétt niður við Fram ÍS 25 í Njarðvíkurhöfn í dag             Hér hefur þyrlan hækkað flugið en þó ekki búin að loka hleranum © myndir Emil Páll, teknar frá Keflavíkurhöfn í dag, 12. mars 2013