Þó skip þetta sé alls ekki nýtt, má segja að ferð þess í dag hafi verið jómfrúferðin. Því þetta var fyrsta siglingin með nýja nafninu sem er Magnús Ágústsson ÞH 76, í höfuðið á manni frá Raufarhöfn, en skipið er með heimahöfn á Raufarhöfn. Það voru þó óvæntar fréttir þegar ég sagði útgerðarmanni skipsins að hann væri að fá Magnúsarnafnið í annað sinn. Því er skipið sem er yngsta að svonefndum Bozinburgarbátum, kom fyrst hingað til land, hét það Magnús Ólafsson GK 494 og var frá Njarðvík, en þaðan fór skipið einmitt í dag sína fyrstu ferð undir nýja nafninu.
Að sögn útgerðarmanns skipsins verður það gert út á rækjuveiðar og mun sjóða rækjuna um borð.
Hér koma myndir sem ég tók af skipinu í Njarðvikurslipp i dag og þegar það renndi í sjó og svo er það sigldi út frá Njarðvíkur, að vísu ekki langt. Ferðin var til Keflavíkurhafnar og eru síðustu myndirnar í þessari syrpu einmitt er það kom þangað, en þar mun það verða fram á morgundaginn og taka veiðarfæri og sitthvað annað.


                        1039. Magnús Ágústsson ÞH 76, tilbúinn til sjósetningar í dag


                                     Hér er skipið í sleðanum á leið til sjávar




                    Skipið komið í sjó og hafnsögubáturinn Auðunn bíður þess að draga það, svo það fljóti og geti þar með siglt


                          Magnús Ágústsson ÞH 76, við slippbryggjuna í Njarðvík í dag


                                                       Séð frá öðru sjónarhorni


                                              Skipið bakkar út úr Njarðvikurhöfn




                         Svo er að snúa við svo hægt sé að sigla út úr Njarðvikurhöfn


                                                    Siglt út úr Njarðvíkurhöfn


                                              Hér nálgast skipið Keflavíkurhöfn








                     Skipið nálgast hafnargarðinn í Keflavík undir kvöld í kvöld


                1039. Magnús Ágústsson ÞH 76, komið að bryggju í Keflavíkurhöfn, þar sem það verður fram á morgundaginn © myndir Emil Páll, 26. feb. 2013