ruv.is

Úr Djúpinu.

Kvikmyndin Djúpið sópaði til sín verðlaunum á Edduverðlaunahátíðinni í kvöld. Myndin hlaut verðlaun sem besta kvikmyndin. Baltasar Kormákur, hlaut Edduverðlaunin fyrir leikstjórn sína á kvikmyndinni og Ólafur Darri Ólafsson var verðlaunaður fyrir leik sinn í aðalhlutverki.

Ragna Fossberg hlaut verðlaun fyrir besta gervið 2013 í Djúpinu. Helga I. Stefánsdóttir hlaut verðlaun fyrir bestu búningana í sömu mynd. Atli Geir Grétarson var verðlaunaður fyrir leikmynd sína í Djúpinu og Bergsteinn Björgúlfsson hlaut verðlaun fyrir kvikmyndatöku. Daði Einarsson hlaut Edduna í ár fyrir brellur í Djúpinu. Sverrir Kristjánsson og Elísabet Rónaldsdóttir klipptu Djúpið og hlutu Edduverðlaun í þeim flokki. Ben Frost og Daníel Bjarnason voru verðlaunaðir fyrir tónlist sína í myndinni og Kjartan Kjartansson og Ingvar Lundberg hlutu Edduna fyrir hljóð í Djúpinu.