Ísland: Rokfiskiskapur eftir sild

20.11.2012 - 13:41 - Sverri Egholm

Íslendsk nótaskipini hava havt rokfiskiskap eftir sild á Grundarfirði á Vesturlandinum. Beitir NK 123 úr Neskaupstaði hevur síðan 18 oktober gjørt 5 sildatúrar, teir hava fiskað 6.000 tons av sild síðan 18. oktobur. Seinasta túr høvdu teir 1.420 tons, sum teir fingu í einum kasti.

Tað er so nógv sild, at skipini hava bara eitt kast, veiðan liggur um 800-1450 tons í hvørjum kasti.

Í Neskaupstaði landa fleiri nótaskip, so har er arbeiðið til allar hendur, skrivar joanisnielsen.fo í dag.