Veitingahúsinn Vitinn í Sandgerði hefur sett upp sýningarsal í næsta húsi, en þar eru lifandi krabbar og skelfiskdýr til sýnis fyrir gesti Vitans og er velkomir að njóta sýningarinnar endurgjaldslaust.

Í dag er Vitinn eini veitingastaðurinn á Íslandi, ef ekki í Evrópu sem að býður upp á grjótkrabba. Þessa sérstöðu má einkum rekja til takmarkaðrar útbreiðslu grjótkrabbans við austurströnd N-Ameríku. Árið  2006 varð hans þá fyrst vart í Hvalfirði en síðan þá hefur hann fundist á nokkrum stöðum í innanverðum Faxaflóa og Breiðafirði.

Krabba- og skelfiskveislan sem slegið hefur í gegn, samanstendur af:

Krabbasúpu í forrétt
Grjótkrabba, öðuskel, bláskel, beitukóng og rækju í aðalrétt
Pönnuköku með jarðaberjum og rjóma í eftirrétt

Stefán vert á Vitanum og Grétar Mar sjómaður spá í eldun á Sæbjúgum
Suma daga koma sjómennirnir með fleiri krabbategundir í land t.d. gaddakrabba, bogakrabba og trjónukrabba. Þegar svo ber undir fá gestir staðarins einnig að njóta þeirra svo oft er í raun boðið upp á þrjár til fjórar tegundir af krabba.