Vel gekk að draga Maggý VE til hafnar. Í fyrstu tók björgunarbáturinn Þór,  Maggý í tog,  en Lóðsinn dró bátinn lokaspölinn til Eyja. Eldur kviknaði í bátnum um ellefu leytið í morgun í vélarrúminu.  Óskar Pétur Friðriksson fór út með björgunarbátnum Þór í morgun og tók þessar myndir af heimferðinni og heimkomunni. Og það urðu að fagnaðafundir á bryggjunni þegar skipverjarnir sjö stigu á land, en þar voru fjölskyldur þeirra og vinir mættir á bryggjuna.

Ekki er vitað um eldsupptök.