Auðunn Jörgenson úr Vestmannaeyjum hefur auglýst bát sinn Gústa Guðsmann til sölu, en bátur þessi hét áður Óskar Matthíasson og vakti oft athygli á góðviðrisdögum, bæði á Reykjavíkurhöfn sem og í Vestmannaeyjum og birts hafa myndir af hér á síðunni.
Auðunn er eins og áður hefur komið fram hér,  að gera upp úti á Granda í Reykjavík 6 tonna trillu sem síðast hét Hafrún KE 80 og er endurbótum að fara að ljúka og mun báturinn þá fá nafnið Óskar Matthíasson. Núverandi nafn er tilkomið vegna þess að Auðunn átti von á að báturinn seldist til Siglufjarðar, en úr því varð ekki, samkvæmt upplýsingum er fram komu í Morgunblaðinu í dag

          
                         Guðsmaður, sem nú er til sölu © mynd Morgunblaðið