Varðskipið Þór hefur staðið vaktina á íslenska hafsvæðinu seinustu daga en skipið lagði úr höfn í Reykjavík fyrir tæpri viku síðan. Á för sinni kom varðskipið við í Færeyjum og var því mjög vel tekið.

Fólki gafst kostur á að skoða varðskipið og kynnast þeim ýmsu tækjum og tólum sem um borð í því eru. Samkvæmt upplýsingum frá Landhelgisgæslu Íslands nýttu um fimmhundruð manns sér tækifærið og kynntu sér búnað skipsins.

Þór mun halda áfram vakt sinni á hafsvæðinu næstu daga.

Hér má sjá myndir frá heimsókninni.