Þrír laumufarþegar hafa fundist um borð í kanadískum togara sem siglir nú áleiðis til Nýfundnalands frá Íslandi.

Fram kemur í kanadískum fjölmiðlum að tveir karlar og ein kona hafi gerst laumufarþegar um borð í skipinu Newfoundland Lynx. Kanadísk yfirvöld segja að tekið verði á móti fólkinu þegar skipið kemur til hafnar.

Talskona kanadíska landamæraeftirlitsins segir að fjallað verði um mál laumufarþeganna samkvæmt kanadískum lögum. 

Samkvæmt heimildum mbl.is var skipið að koma úr slipp á Akureyri. Það hafði viðkomu í Reykjavik 8. nóvember sl. á leið sinni á veiðar milli Grænlands og Kanada.

Þessi heimild mbl.is er röng, þar sem skipið var í viðgerð í nokkrar vikur í slippnum í Reykjavík og lá þar síðan við bryggju meðan klárað var að gera það sem gera þurfti við.  Hér birti ég t.d. mynd sem tekin var af skipinu við bryggju í Reykjavík 4. okt. og get líka sýnt myndir af skipinu er það var í slippnum í Reykjavík

Togari þessi er i eigu dótturfyrirtækis Vísis hf. í Grindavík og var málaður hér í Vísislitunum.


    Newfoundland Lynx, í Reykjavík © mynd af Trawler History frá 4. okt. 2011