Eins og ég hef áður látið að liggja hér á síðunni var koma varðskipsins Þórs til Helguvíkur á dögunum, hálfgerður feluleikur, þar sem gestir voru beðnir um að segja ekki hvað væri að, blaðamönnum o.fl.

Ekki hafa þeir þó allir þagað og því veit ég fyrir víst að boltar í vél voru brotnir, að vísu fara tvennar sögur að því hvort það hafi verið ventlaboltar eða boltar sem halda pönnunnin auk fleiri atriða. Hvað sem því líður þá lauk ekki viðgerð í Helguvík og skipinu því siglt til Reykjavíkur þar sem viðgerðamenn hafa unnið hörðum höndum að viðgerð og er hún nú á lokastigi, þannig að skipið ætti að geta farið út eftir helgi.

Svo skemmtilega vill til að nú eru einmitt öll varðskipin fjögur í höfn í Reykjavík þ.e. Baldur, Týr, Þór og Ægir.

Skemmdir þessar þurfa ekki að koma neinum á óvart, því eins og menn muna urðu miklar náttúruhamfarir í Chile og lagðist nánast skipasmíðastöðin í rúst. Varðskipið fór á hliðina og sjór komst í vélarúmið. Feluleikurinn er því furðulegur, í ljósi staðreynda.


                                  Þór í Helguvík © mynd Emil Páll, 10. nóv. 2011