Atvikalýsing Rannsóknarnefdar Sjóslysa er svohljóðandi:
	Þann 6. júlí 2011 voru fiskibátarnir Tryllir GK 6000 og Glær KÓ 9 norður af Ólafsvík.  Veður: Breytileg átt 2-3 m/s.  Léttskýjað. Tryllir GK var á siglingu og sigldi á Glæ KÓ sem var á veiðum með þeim afleiðingum að hann skemmdist að framan og á stýrishúsi.  Litlar skemmdir urðu á Trylli GK en bátarnir héldu til hafnar.

 
Samkvæmt heimildum mínum voru milli 30 og 40 handfærabátar í einum hnapp við veiðar á miðjum Breiðarfirði og sigldi Tryllir á fullri ferð með sjálfstýringuna á, en eini skipverjinn var úti á dekki, er hann lenti á Glæ, þar sem eini skipverjinn á þeim báti, var við handfærarúllunar, en báturinn var annars stopp. Brotnaði Glær töluvert, s.s. á lunningu, bol, stýrishúsi, þil brotnuðu, handrið beiglaðist og losnaði frá og margt fleira. Kom þetta vel í ljós er báturinn var skoðaður þegar komið var með til viðgerðar hjá Sólplasti, Sandgerði að kvöldi 11.11.11.

Hér koma myndir sem ég tók er báturinn kom í hús hjá Sólplasti svo og aðrar myndir sem ég átti af báðum bátum og voru teknar fyrr á þessu ári.


                           6998. Tryllir GK 600, í höfn í Grindavík 19. apríl 2011


               6998. Tryllir GK 600, uppi á bryggju, í Grindavík,  í apríl 2011


                              7428. Glær KÓ 9, í Kópavogi, 2. júní 2011






     Búið er að kítta upp í helstu rifurnar, svo hægt væri að stunda sjósókn eitthvað lengur


     Af því sem brotnaði innanstokks, s.s. þil, innréttingar, salernisklefi o.fl. tók ég ekki myndir af. En þarna sést líka hvernig rekkverkið bognaði, en það sést betur á annarri mynd


                    Skemmdar rekkverkið að hluta og rifur og sprungur hér og þar


    Rekkverkið skemmt o.fl.  © myndir Emil Páll. Myndirnar af skemmdunum eru teknar 11.11.11 og hinar eru teknar á þeim tíma sem stendur undir myndunum