Frá Álasundi í morgun SCANPIX NORWAY

Eldur logar enn í norska strandferðaskipinu MS Nordlys en staðfest er að tveir létust er kviknaði í vélarúmi skipsins í morgun. Tveir eru alvarlega slasaðir en alls voru níu fluttir á sjúkrahús. Fjögurra er enn saknað.

Skipið var skammt frá Álasundi í morgun. Tilkynning um eldinn barst til lögreglu klukkan 7:20 að íslenskum tíma í morgun. Skipinu var þá strax siglt til Álasunds þar sem unnið er að því að slökkva eldinn. Alls voru 262  um borð í  MS Nordlys, þar af 207 farþegar.