bb.is:

Þýskt rannsóknaskip, Meteor, er nú statt undan Snæfjallaströnd í Ísafjarðardjúpi þar sem það leitaði skjóls vegna veðurs. Samkvæmt upplýsingum frá Landhelgisgæslunni er áhöfnin ekki að sinna rannsóknum á þessu svæði heldur bíður átekta eftir að veður lagist og þeir geti haldið áfram siglingu sinni. Um borð er alþjóðlegur hópur náttúruvísindamanna í ýmsum greinum en tilgangur rannsóknanna er að kanna áhrif loftslagsbreytinga á útbreiðslu sjávarlífvera. Vegna legu sinnar og fleiri ástæðna er Ísland tilvalið til rannsóknanna en tekin verða sýni í kringum allt landið á ýmsu dýpi. Vísindamennirnir eru spenntir að sjá sýnatöku af sjávarseti vegna eldgosanna í fyrra og á þessu ári.


                                 Þýska rannsóknarskipið Meteor © mynd af bb.is